心花怒放
13 十一月, 2008經濟低迷，有咩好得過出精選？
著名音樂網站pitchforkmedia.com一語中的，道出了史密斯神話的原委：
The point of the Smiths isn't that their songs were miserable or that their fans were alienated, it's that they showed how to turn the misery into a weapon, a rebellion, a strength, a pose.
如是者，他們成了每一個寂寞靈魂的最後救贖。主音morrissey可能是除卻david bowie以外最多直佬fans的camp精；他唱出了平凡人的苦難，卻非一面倒的我空虛我寂寞我涷，他給你面對每一個明天的勇氣﹣﹣﹣多得johnny marr的結他，the smiths那非常sing-along的曲風為摩氏悲劇注入玩味，我們選擇真心無求的對待所有人、事、物，我們對坑不了世界，卻藐視所有可憐的眼光。我們選擇在逃避與面對之間遊移，選擇不去成長，偶爾在文明的步伐中埋沒良心之時，我們仍然保留自責的權利。這就是morrissey販賣的意識型態。
當然我唔知佢私底下溝幾多仔／俾幾多仔溝（特別在佢晨早已經大大聲宣佈過 Ａ）佢係處男 Ｂ）佢無興趣破），但當同樣的板斧可以賣足廿幾年時，說是虛情假意就真的太奇幻潮了罷，你試吓做廿年屎水代言人睇你得唔得？所以雖然單飛發展的摩記出品水準浮動，但一見新作咱等摩教教徒還是水照科淚照流，聽到聾為止。
網上找到了這張情人卡，2月１４日有索爆少艾丟我一張的話，我包保爆喊：
還有這段拍得離奇又病態的中古訪問，小學生ＶＳ小朋友，也順道解釋了文首廣告棵花：
Smiths, Morrissey, Johnny Marr, funny interview/children
連結：
pitchforkmedia的the sound of the smiths樂評一則
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
另，一首我很喜歡的 the smiths作品，卻未有收錄於最新的精選裡頭：
the smiths: accept yourself
我只不過借佢把死人口講Ｄ嘢
4 九月, 2008扯遠一點，香港人對於「文化資產」（不論人或物）的態度大概可以如下歸納：響度果時闊佬懶理，要死要拆就上綱上線；然後羊牯們就趁墟咁趁，於是往往有堆老臨一樣的「熱心市民」站在聲音或者形象的圖騰背後眼仔碌碌做波子棋。
再扯遠一點，我真心不反對公民抗命，有嘢唔對路絕對應該出聲，但請先攪清楚為邊個出咩聲。朋友堆中有廿歲出頭的憤青在六月四日義憤填胸要上街，噼嚦啪嘞說一大堆，揭開底牌連吾爾開希同柴玲係乜水都唔知，嬲佢好定笑佢好呢。
扯翻翻來，其實想寫一個離開了的人。
就算你細個唔識佢，呢幾年你一定會聽過佢把聲；唔入戲院都上apple.com卦，唔上apple都上youtube啦！大部分的苛里活製作，都有一把man爆的男人聲，講到套套戲都好大件事唔睇唔得咁，佢個名，叫don lafontaine。 而 lafontaine氏剛於幾日前因為長期病過身，享年68，cv上大刺刺的印下了五千多條電影預告片和七十五萬支廣告的VO。如果印哂上塊碑度，type 8都可能幾層樓咁高。
我無得扮老叔父，因為我都唔係知得多，只不過求其youtube一下，看看人家有沒有一些特輯之纇：
（佢呢Ｄ就叫真心愛電影，一份唔得就另一份打死唔轉行。敬業樂業的表表者，真係掃地都可以攞諾貝爾清潔獎。）
（唔使驚以後Ｄ預告會雞仔聲，起碼仲有四件。驚喜是al chalk出場時那段《今夜不設防》配樂。還有，所謂的 “can do spirit”亦非本埠特產，唔好也文也武乜乜香港精神，唔該。）
要問的是，怎麼人家的致敬（注意，是致敬，不是追封或者悼念）可以來得不溫不火莊諧並作呢？怎麼我們只懂得消費前輩？關海山沈澱霞挨到上到台頜取拖捨般的乜叉成就獎時都是一副擺唔耐的德性，你有無試過睇電視睇到媽粗口？我有，而且，我已經轉左睇亞視。當然天下烏鴉一樣黑，亞記之前仗「向劉志榮致敬」之名大播甩色劇，除了劉氏擔正三份一的《變色龍》以外，居然夠薑搭單出場唔夠三集的《鱷魚涙》，個字幕仲要黐足一個禮拜先收手，反而劉氏最為人所知嗌足半世「九斤哥」的《大地恩情》就影都無。 手民之誤也好，真心搏慒也罷，起碼亞記刻下重點大秀是《盧海鵬演藝人生四十年》，還有這個幽默非常的廣告：
明就明，唔明就算。
（btw《變色龍》名不經傳的續集《新變色龍》刻下02:15-04:05晚晚熱播，仲有劉志榮劉克宣父子鬥戲添。不過先旨聲名，sofar幾難睇，除左黃韻詩溝林嘉華！）
連結：
直搗劉騮內心世界
25 八月, 2008我自私地希望他會成為香港的best kept secret，如是者我就會好似好有taste，但恐怕真的kept不了。
阿德狂草展
日期 / 22.8.2008 - 19.9.008
時間 / 周二至周日下午二時至九時
地址 / 灣仔秀華坊23號地下 網頁 / www.hulahoop.hk
如果一心以為可於稍後補購抒情畫集《狂草集》就盡得真傳的話，對不起，展覽場中群畫亂舞，一本書仔收得哂就真係有鬼，好些啜核作只可現場參拜。
盡顯淡淡哀愁，鐵漢柔情。
連大姐明都話正！
(PS奉勤各位女粉絲，楊生已婚，唔好亂諗嘢。）
連結：
做得到唔代表做得好
24 八月, 2008性意味濃厚、肉體橫陳的商品始終最有客路。
對，marc jacobs 老早就做過，而且，有聲有色。其時為的是皮膚癌。
可惜我不格劍，如果唔係應該真係會科水買的。
wynona forever!!!!!!!
rufus wainwright都有份！
今勻輪到日本隊上場，代表隊是devilock。講真除了當年的palm boy以外我不大了解他還幹過啥。今次就犀飛利，找來了一大班當紅av女優來宣揚預防愛滋病的訊息。
好友提供是批t-shirt的一個有趣的subtext：這幾位女優都未拍過中出片的，認真健康為大。
怕且真是刻不容緩了，作為發達國家中唯一自９３年以來愛滋病惑染數字不停上升的國家（比率上甚至可以跟「摸頂王」非洲撒哈拉地區等發展中國家一較長短），上年政府就大手撥款二億三千九百萬日圓以購買用具於全國八百多個志願據點作病毒測試，以及作公民教育（雖然當中只有二千四百萬被用來制作相關電視節目﹣﹣﹣即係零頭都唔夠lor。）
天時地利人和齊哂，牌面計真係比起咱們當年的「元華午夜買袋tvc」直接有力一千倍（其實當年已經想問點解唔用徐錦江？）。然，有聲有勢是一回事，實際產品靚唔靚怕且唔使見仁見智。論美感，本埠當年的clot fantasy系列起碼贏四個街口罷。
米原康正x星野亞希那堆波鞋索女tee起碼叫做把兩種男性戀物癖來個終極混合，把床下底的私慾堂而皇之的穿在身上（起碼張相如是，印落tee都唔好樣得去邊），「鬼鎖」是次交貨式的移印，(連slogan都係懶霸同埋日式鬼整英文）到底叫做棄權定用夠力就收手？所謂目標觀眾響哂度，雖然話攪個好樣Ｄ的design出來都怕且唔會賣多好多，但作為對自己職業的尊重，可唔可以整好少少個print？
或者我只不過係嬲佢齋出白色。
這堆或許就是企劃的試金石罷， rio我愛你！
以上則是最新上架的版本……
都話左designer易溝女架啦！
連結：
marc jacob's skin cancer awareness campaign
威武不能屈
23 八月, 2008
看見朋友仔做到好嘢是對自己最大的鞭策。
陳威武：「只要次次keep住有進步就好。」
抄出個未來
16 七月, 2008
版權的問題爭論得夠久了，有心人就穿州過省的拍條片去探討一下。
工業時時大聲疾呼謂之媒體消費品行情慘淡，億億聲咁蝕。 《 good copy bad copy》以用家角度出發，由girl talk的切片音樂訴訟開場，走訪捍衛派的ifpi邪惡軸心，數到現在成了household name的danger mouse。再以「新版權法」creative commons對照非州、巴西等亳無版權概念的國度裡，其私下衍生發展出來的媒體生存方式。有趣之處是，不少發達國家大大show如pixies演唱會那為人稱頌的「聽完live即買live cd」原來在巴西那些類３４８魚蛋歌boom-chit場中已經是例行定番；見其在簡陋到暈的所謂studio裡，一台電腦一台synth，還有風扇「發發發」地熱風旋動之下竟就完成了一首remix，都咪話唔神奇。 至於他們那種「只靠show錢」的搵食模式，又真係養到佢地肥肥白白有巨型pa system，怪不得連david bowie也表示：「刻下已回到音樂最基本的營生模式﹣﹣﹣用表演來換取酬勞。（大意）」
其實全片最有心探討的是sampling/remix culture。與「波鞋王」供應各位「自用」的映象不同，那是一種二手挪用的創作模式，將人地隻歌切開一忽忽大小各異的單位重新整合，流暢亦可異化又得（反而有夠奇怪，把命題推展至哲學層面的dj spooky在片中連影都無）。遺憾在一眾企業巨擘一竹竿打一船人，總之你掂佢一粒音，自用也好改裝也罷，一係拉人封艇一係上庭對簿抄家。所以the verve的《bitter sweet symphony》就是因為內含rolling stones的一段sample而全隊band做左一次義工、danger mouse把beatles 《white album》溝jay-z《 black album》而生的grey album也未有為dm帶來一個崩的存款數字、當年一隊怪物band lo- fidelity allstars亦因為有太多sample而出現了一歌幾版，次次斷正次次改的局面。或者機會主義一點，放長線釣大魚，danger mouse後來升城隍埋堆玩gorillaz夾gnarls barkley玩到有grammy固然是神話，細scale一點的如當年ppk把kylie minlogue的《can’t get you out of my head》混到new order的《blue monday》 裡成了《can’t get blue monday out of my head》，得到阿姐青睞而真的成了單曲也是美事一樁。但我最喜歡的還是片中girl talk 一席話：「就算我有錢去把那堆samples買回來，那堆法律文件也可以動輒攪個幾十年‧‧‧其實我不介意的，即使沒有錢我亦玩得一樣高興。」 鏡頭又真的見到他對著laptop喜孜孜的樣子。羡慕死人。
個人對於翻版的態度，老實一句，世道本如此， 更快更高更強的資訊流動只會衍生更多灰色地帶，由借俾你dup到燒俾你到upload俾你，本質上的分別其實對消費者來說輕於鴻毛。話你知有幾錯就真係點講都唔入耳。相比起喊拉喊鎖，我更喜歡以下這些做法：
在cd媒體的保護程式弄得風風火火，係碟都入唔到ipod的那個年代，電子廠牌k7率先在旗下出品中加入以下label：
「尊重」﹣﹣﹣對於新一代這個詞語會否太疏離了一點。但我喜歡他們的取向，你真金白銀買，你就可以用。唔通買件tee就一定要著唔可以抹地咩。 潜台詞可會是「舊幾水買你個人格」？
還有這個動之以情：
（美國抽像hip hop製作人 flying lotus 的myspace blog：）
總覺得句「朋友」有Ｄ（才豆）泥‧‧‧
阿大哥你隻碟我真金白銀響h記俾左＄１５５買的，大家咁老友，你結婚係咪請我飲先？
附上good copy bad copy的下載頁，有趣的是全片以ＢＴ種子形式免費下載，貫徹團隊相信的「逆版權精神」。然，叫人興味大增的，卻是那個donation鍵，有無可能真係收番成本呢你話？
good copy bad copy
廷伸閱讀：
扮自己
16 六月, 2008
(不是碟評)
primal scream將於7月21日推出自「rock版歐瑞強」《riot city blues》後的全新大碟《beautiful future》。可能上次真係太驚嚇，今次sony columbia已經唔敢出，廠牌換上了b-unique，同kaiser chiefs做兄弟。當然只係我主觀認為，轉字頭可以代表好多野的，radiohead可以攪一次毀譽參半的銷售革命(唔嫁又嫁，下載版得衰聲mp3，結果又係出cd)、nine inch nails可以開放聲音檔案任人remix贏得漂亮盆滿砵滿。脫離大樹遮陰人人有因，你嫌佢皺定佢嫌你老永遠口同鼻拗。忽然間自由身的後果，卻是人人猜滴滴仔試水。radiohead收埋哂d 電聲咁滯，nin(音樂上)就根本以不變應萬變，還有別忘了遠古的george michael....跳一輪草裙舞又話無自由無盛，結果自己話事的project就安全過杜蕾斯。想來prince當年鬥氣狂錄狂出一堆碟但求完左個contract (不過張張正！)的舉動還真是有夠constructive，別忘了nin出一堆soundfiles加隻creative commons的印仔，受惠的聰是音樂同好多於聽眾罷。
首先申報利益，我本身是primal scream的信徒。《screamadelica》、《vanishing point/echo dek》與《xtrmntr》我都奉為聖典。樂隊第一次玩blues的《give out but don't give up》我聽都唔敢聽，但《riot》推出之時實在餓得交關，於是$95買個xxl的遺憾。從此多左個教訓，知道有些碟有些戲是不應該聽/睇的，杜可風的《我愛巴黎 》到今日亦唔敢掂。
從網上得知消息，《beautiful future》是英式流行曲、philly soul、 dark electro與rock的亂種。監製之一的björn yttling 更謂之專輯 「比之前更pop更krautrock，有如 alan vega 與 suicide般。」有夠廢話，alan vega不就是suicide？就算solo亦 唔見得有差別wor。順帶一提，之前有傳過會出手監製的simian mobile disco好似無左影。反而加入了cv上有bloc Party、 babyshambles, the futureheads以及simian mobile disco 等的paul epworth 。即係唔經陳浩南直達蔣生啦喂。
大概就是(又)要造一張《xtrmntr》或者扮《xtrmntr》的《evil heat》了。又來群星拱照，今次沒有david holmes或者kate moss，被拉落水者有css的lovefoxx，queens of the stone age的josh homme以及鄉謠界經典linda thompson (仲要cover fleetwood mac的《over and over》 真係死心不息)。查實咩都係假，聽左歌就見真章。先行單曲叫《can't go back》，myspace有得聽。一聽之下，灰哂。真係can't go back，首歌根本係唔夠力的《accelerator》來的，那隊夠薑錄到爆哂的primal scream去左邊？唱《swastika eyes》寸美國政府、甚至高呼《boom the pentagon》(雖然最後因為真係boom左而要改歌詞)的primal scream又去左邊？係味因為bobby gillespie做左人老豆所以收哂火？placebo的brian molko又係做左老豆之後開始跌watt wor，湊仔真係咁辛苦？隊band唔係得你一個架？d兄弟見你辛苦於是唔出聲？於是有你咁既歌佬加埋d咁既band友，先可以加埋一齊玩我？你係咪玩我呀~~~~~
可能佢地都覺得力水唔夠，於primalscream.net上又放了一首hawkwind《urban guerilla》的cover version (連名都唔落番俾人咁算係點)來任君嚐，本謂之「俾你聽聽隻碟大概係咁」，但而家又變左日本版的bonus track，基本上又係車房rock。唯有重注lovefoxx那首 《i love to hurt (you love to be hurt)》會唔會有以前七成水準？我幾love to be hurt你都唔好兜頭開鎗連射，真係頂唔順架wor。打定輸數，唔使要 《xtrmntr》勒，(希望)你求其整隻假《evil heat》都收貨啦，唉.......
----------------------------------------------------------------
懷緬一下：《xtrmntr》年代，樂隊為了引起人們對satpal ram冤獄的關注，特別找人編寫的website，還在大碟中附上表格鼓勵歌迷去信政府要求放人。人早在2002年放左，而website則成了the museum for applied arts in frankfurt的藏品之一。以樂隊其時張牙舞爪的姿態來看，當是宣傳橋都未嘗不可。不過我倒真是因為這才開始每個月科水俾國際特赦組織的。
----------------------------------------------------------------
links:
快樂有分舵
8 六月, 2008不反對消費，卻怕貼錢買硬膠。
衣服如夫妻，不多不少都與個人能力魅力品味劃個等號罷。刻下大家都懶得了解，如是者不停誤墮紅顏劫。於是我們以為世界上真係有純情靚女的。
然而今次真係有d章x蕙扮處女之感。
限量版的zune player，以joy division首張唱片為題，裡面將預載grant gee的joy division記錄片，與電影的dvd同於6月17日發售。
微硬以zune與ipod對撼，我不知道戰績如何，之前攪的campaign zune arts叫做有d聲勢；那堆animation真係睇得人心花怒放，叫做扮潮得來有兩分功德(那堆片不會是「無償競稿」的罷)。但今次...今次真係..........
有夠人為財死鳥為食亡。如果你喜歡joy division而又竟然想買的話，提提你，主音ian curtis自縊身亡的那天，樂隊正準備進軍美利堅。當然未必有關，啦吓。
弄潮牌攪joy記當然唔係第一次，同一樣的print design亦已被玩到曉飛了。但人家好歹撐枝次文化的旗罷。你微硬視窗幾時關心過做creative的一群？mac os都有個garage band錄得音造得歌，你個vista除左食ram同花碌碌同無/撞driver之外仲曉咩？
網上游又游到了這個：
原本是一個叫Dylan Adair的設計師攪作。之前da弄了一對nike出來，nb見獵心起，又叫人整對。原本小情小趣純粹致敬結果據稱nb真係走去傾licence，而家聽侯發落中。雖然我覺得對鞋唔醜的(nike版仲有個超靚盒tim)，不過，真係，天庇佑咪俾佢中標。 反而adidas叫做有d誠意，有時最唔似老豆老母果個反而係親生的：
舊聞一則：慶祝joy記發跡夜店The Haçienda成立25週年，y-3找來了The Haçienda的室內設計Ben Kelly 、以及factory records的御用平面設計師Peter Saville 攪對限量的fac51-y3出來，連catalog no.都順序跟足，唔似得阿豬阿狗都認fact-10。唯一不足，係天價lor(香港j-01好似入過的，唔肯定)
連美猴王都話正！
-------------------------------------------------------------
附錄grant gee記錄片預告 (注：有強力助語詞，未滿十八歲者迥避) ，留意最後一句對白：
-------------------------------------------------------------
附錄埋Dylan Adair對「賴茄」：
-----------------------------------------------------------
另：
we used to have dreams and thought we could change the world
6 六月, 2008http://www.20thboys.com/index.html
難避免捲入時代太恐怖
2 六月, 2008我真是對「明流暗堅」的作品有情意結的。
youtube對主流觀影的衝擊在這幾年間都真係爆得燦爛，舊媒體都主力獻媚到這個層面了：
weezer: pork and beans
(應該只有從前的beastie boys和beck夠薑玩咁大。後來居上的我睇好the flaming lips。)
weezer的歷史我跟得唔足，上次有印象的已是十年前spike jonze導的《buddy holly》，以封塵電視片集為藍本，玩集體回憶，(美國當地)熱播。但時移世易，今時今日我們的共同觀影經驗已經跟大企業脫勾了。幾多機頂盒都徒然，我們最好的朋友叫電腦。
唯，習慣起粒跳格衰聲的問題是：execution再不被放在當眼位置了，有條橋就去。廷至印刷媒體的例子有madonna《hard candy》個衰相cover，近一點的，有nerd新mv《everyone nose》： 請明確分辨「明流暗堅」與「真流扮堅搏大霧」：
(打燈果個想點？係流就流爆佢，一支機頭上陣，一係就玩靚佢。定還是----打燈果個係超齡單身處男？見到咁多女就hang左機？)
----------------------------------------------------------------
順手貼埋buddy holly:
偉大發明101之：影印機
1 六月, 2008我大概是全地球最後一個想看而未看《cloverfield》的人。
身邊友好，七咀八舌讚者有之彈者有之。所謂聽得多會吹，攪到陳書都以為我睇左：「見你講到咁多套戲d乜乜物物.....」為免西洋鏡被解體，日前決定以一夜夫妻價入手平裝版dvd。一睇之下即時愛上---看似求其，但其實一切都來得如斯精準，把video裡大眾認知或否的特性都悉數運用得淋漓盡致又不會喧賓奪主。沒有扮菲林，hdv就hdv，無話尷尷尬尬。而更難得的是，paramount咁大間公司又肯科水攪一個咁既project (要講一個「人」的故事呀，隻怪獸響後面掩掩揚揚得啦~~~~)。當然我信佢計哂數的；豪還豪，但應該比拍一套《batman》便宜。加上J.J. Abrams的超響朵，彷彿看見滿肚腸肥的猶太笑笑口話：「sure, why not?」這種「why not」大概真夠本地壯志未酬濕夢難圓的電影工作者者咬牙切齒。
就在我面對著msn裡幾百句「車，一早話左你知好得啦~~」的攻擊之際，友好傳來以下短片：
來自西班牙的《rec》，有傳是《cloverfield》的reference(不過係喪屍版)，早於一年前推出。大概真有點可信性，你看老美利堅鬧了多久的劇本荒，還有多少續集與改編可以佔來吊鹽水？如果傳聞屬實的話，這個國家大概也在步香港的後塵罷----寧買當頭起，榨乾榨淨先算。我們缺的是創意，有的是錢，一野買起佢啦：
(使唔使白背心都跟足呀大佬~~~~)
《quarantine》是美國remake版的《rec》，production value高了是意料之內，但，真有需要嗎？從前luc besson的《nikita》夠好了，但就因為美國人少看外語片懶看字幕，於是就有了效顰的美版(還有我們的《黑貓》，哈哈)。刻下inernet的世代無需再靠你主動餵食了罷，你會開myspace facebook來賣膏藥，人家都曉自己搵料來鬧爆你的。《quarantine》facebook group裡就找到這則鬼妹/婆的留言：
I suscribe to this fan's team just to say how american's people are complitly devoid of imagination. When the american's cinema starts to be original and makes films who are not the copy of greats europeans movies? REC, the original film is just perfect and don't need any copy to be better. "Quarantine" is just a little piece of shit, the actress a frame copy, and the story absolutly the same!! LOOSERSSSSSSSSSSS!!!!!!!!!
不承先又怎啟後，這道理大家都明，但這種影印式的copy and paste，我就真係唔明，你係認輸認無橋定當我低b？
link:
fear eats the soul
28 五月, 2008
《獨男》好看嗎？
如果處男下海看古谷實的話，大概真的未如理想。唔(太)好笑之餘又唔緊唔湊，咩咁大件事咩咁大師？
只看過《稻中》的話，理論上更應要求回水。
一路走來鯨吞所有古谷作品呢？《獨男》也未必好得到那裡。一樣的醜男美女配(雖然一次索過一次兼例必宏偉)、一樣的虛無、一樣的突然死人童黨黑幫配，甚至鋪排上也熟口熟面------開卷來的夠有意思：主角活了三十二年，友伴女伴積蓄都置零，工作是當夜更保安。一個人，夜夜在偌大的超市內，做運動(原因是不用錢)。
然後有一天，他發現「寂寞」何其可怕。就在他苦惱如何找尋人生第一個朋友之際，各式人等以及索女就入侵了他的生活。守了三十二年的完美和階亦由此開始崩塌。
有關aging的問題，之前在《GO！GO！茂利飛車黨》中也有觸及過，唯其時視點仍以年青的主角切入，中年的飛車黨老大跟叔父輩伊藤都盡是吃虧的被取笑的一群。但來到今倘，古谷實自己也三十開外了*，不得不長大，也自然以「面對成熟」去作為整個作品的基調。從來都覺得《庸才》是其創作生涯上很重要的一章。不但全然把插科打諢的成份調到新低點，當中呈現的絕望和空虛感，更一下子把之前儲來的讀者群一下子帶到另一個相反的國度去------大概是古谷的寫照：全人類都在要求另一本《稻中》，但《廢柴同盟》與《茂利飛車黨》中已經開始呈現角色生活上成長上的種種問題，古谷亦似乎不甘於當個表面下流的笑匠，努力的為自己作品注入「笑笑笑笑乜X野笑」以外的閱讀層面，但當然兩作的成績皆未可超越《稻中》；與其兩面不討好，不如一次過做盡佢。衰到貼地都係自己衰，無可扺賴之餘條氣都應該順少少。
似乎真係衰得幾貼地，日本方面的反應無從稽考，但身邊的古谷迷大都不約而同地覺得：「車，都唔好笑既~~~」。至《17青春循走》推出之時，出版商更跳過《庸才》，記憶中宣傳上也只著墨於《稻中》作者新作云云~~~至於《17》本身，就好像一次過渡期的創作般，故事的舞台搬回中學，背景圍繞電單車以及索女，一切都來得比較安全。頭幾期內容平舖直敘，刻意把所有爆發點都留到最後，但效果未如理想，頭不如虎尾若蛇，那淡淡然的結尾算是比較有神的處理了------可會是向偶像望月峰太郎的《飲茶時間》致敬乎？
至閱畢《獨男》，我覺得《17》本希望達到的，都在今次以較成熟的方式呈現了。周星馳與古谷實大概想有著近似的想法罷，「笑」是無可避免地硬塞進整個package裡的，但卻由單純的目的變作手段，迷彩下的才是作者真像。以三十二歲獨男的荒謬處境，描繪出踏入所謂三十關口面對的種種迷思；我們都是做做做買買買的一群，在蠻衝的姿態下情緒都將被打壓到昏死。然後有天，身體裡的植物人甦醒了，問題一下子山洪暴發，有人同你交心你敢唔敢交？有如性幻想對象成真的女子向你示愛你又敢唔敢去馬？人生開始踏入要負責任的階段了，除了忐忑騰雞標冷汗，你還敢作啥？在我們標冷汗之前，古谷實真人現身標了一遍，(或許)自省之餘亦現兜兜的(才冚)了你我一巴，難得地主角走出了死局，連原本的暗湧也在最後煙沒了，畫的我不知道，但看的，就真舒了一口氣。也趁一個人獨處的時候，好好想一下，應該怎樣過活。
羽田：「希望像富岡那樣，做一個寂寞的時候，就說寂寞的坦率的人...」
*早於《稻中》之時，古谷實就不違言那是自己中學生活的寫照 (當然誇了七倍)，而從當期的照片看來，前野的造型也明顯地來自古谷本人。至於《獨男》，有理由相信作者再一次把自己畫進去了，首期尾頁的授權日期為2006年，以日本漫畫一月刊載一回計，首回大概於04年尾至05年推出，以古谷實1972年出生起計，其年齡正好與主角富岡一模一樣。
新時代會否於焉降臨
31 三月, 2008http://www.wired.com/techbiz/it/magazine/16-04/bz_instapreneur
前進進(稿一)
21 二月, 2008先問一句，2月尾，你會否去現場感受一下碧玉(bjork)的聲響世界？(之所以不用一個簡單的「聽」字乃因賞碧從來不應只用耳)
我大概無緣目睹女伶真身，除非放左工佢無啦啦會響旺角玩一set。但仍祝福每一位手持門劵的友好們，果幾舊水唔會白跌的。
本地潮誌亦已急不及待的把那堆舊形象照翻炒七次，用最簡單直接的語言來告訴大家碧玉有幾潮之類的廢話(大概是sponsor稿啦吓)。然而讀到當中有一篇專訪談到，本埠的volta live將會如所有外地巡迴一樣，連新玩具reactable都會帶埋過海關，我就真心嬲。遲唔帶早唔帶，等我去唔到先帶？簡直有如心儀對象獨守空房寂寞難耐而你響自己屋企燒到109度咁令人痛心疾首。
何謂reactable？先看以下短片：
傳統的電子樂器都包含大量控制鍵，扭按推捽十花十六門，用家programme的型號亦成了最新的進化形態。但大部分都有template可循，直到reactable的出現。
把不同形狀的方塊放上去，就可以即時增刪控制參數，簡直是最接近完美的現場演奏工具。年前bjork於美國coachella音樂節首度帶檯迎賓，即時哄哂動。
寫到reactable，只因為剛好與h談起「自我要求」的當兒，想起了白頭翁：
何許人也？robert moog (1934-2005)。乜水？簡單來說，沒有rm，今天的「音樂」就會跟5/60年代相去不遠。
十九歲時，rm就已經自己開公司制造初代電子樂器theremin(本埠人山人海的veegay亦曾玩奏)。基本上一個盒兩枝棍，原始得可怕，難玩到飛天。當時的rm就想到，何不加一個鍵盤扭掣若干，使其可用性及可能性都大大提高？經過若干之的開發，終於成就了史上首個民用電子合成器：minimoog。於是唱盤中舞台上就傳來了外太空的聲響，而《如來神掌》亦有了「we wang wang」的音效，往後幾十年間，我們對「音樂」的定義改寫又改寫。
如果rm當時過一日得一日，除左佢老人家應該臨老唔過得世以外，王雙駿就只會是一個bass佬、陳奕迅可能亦只是一個民謠歌手。而當然，reactable只會依舊是一張table。
所以，不要問我，為何要革自己的命。
分享一下，碧玉的新mv，導演是另一個革命份子：
reactable: http://reactable.iua.upf.edu/
moog music: http://www.moogmusic.com/
robert moog: http://en.wikipedia.org/wiki/Robert_Moog
theremin: http://en.wikipedia.org/wiki/Theremin
天比高創作伙伴 SkyHigh Creative Partners @ www.skyhigh.hk
大美人搵真銀
23 元月, 200807年王家衛受家電品牌Philips所邀，拍攝九分鐘短片兼剪個tvc，言簡意賅，有theme有flow，明顯地脫胎自又好睇過《2046》好多。
我都想拍呢d女主角。
寂寞的人有福了
18 元月, 2008只要morrissey一息尚存，我就不需要宗教。
Morrissey - That's How People Grow Up (2008)
天比高創作伙伴 SkyHigh Creative Partners @ www.skyhigh.hk
愛慕！是愛慕！
17 元月, 2008最近有不少音樂單位都不約而同地挪用公眾人物文化英雄來借題發揮；當中有趣有唔趣，現擇若干有趣者分享一下：
----------------------------------------------------------------
- 除非有人唱支粵曲來致beyond個敬，如果唔係呢個真係頂大堅揪：
The Wombats - Let's Dance to Joy Division
----------------------------------------------------------------
- 童年回憶之「原來真係記得哂咁滯」：
The Mitchell Brothers - Michael Jackson
-----------------------------------------------------------------
- 沒錯，性感女神最讓人記得的，大扺是《lost in translation》的第一個鏡頭：
-----------------------------------------------------------------
當然，要追溯的話還有很多。幾年前vincent gallo推出大碟《when》，第一首歌就叫《i wrote this for the girl paris hilton》。無緣成為單曲，然巴黎小姐卻在《honey bunny》的mv中獻身：
(這已經是網上找到最完整的版本，一係你送隻日版dvd single俾我，我upload番又點話！)
完全物化的處理，意義上比硬芯春宮片去得更盡，遙遙預景了巴黎打後鎂光下油墨上的人生。
天比高創作伙伴 SkyHigh Creative Partners @ www.skyhigh.hk